Nutella cookies

Kaixo!!

Aste gogor baten ondoren beti iristen da ostirala, eta berarekin asteburua. Gaurkoan Estatu Batuetako errezeta batekin nator (ez da egunero jateko, baina nohiz behinka gustura hartzen den hoietakoa da).

Ez dut itsasoa zeharkatzeko paradarik izan oraindik. Oraindik diot, berandu baino lehen joatea espero dudalako! Kontraste handiak ditu eta zihur naiz han ere xarma handiko tokitxo eta sukaldeak daudela.

20 galleta egiteko osagaiak:

• 100 gramo azukre. 
• Arrautza bat.  
• 140 gramo hirin. 
• 250gramo Nutella.  

 Egiteko modua:

Labea berotzen jarri 175 gradutan.

Labeko xafla labera sar daitekeen orri batekin estalita utzi.

Azukrea eta arrautzak irabiatu ondoren hirina gehitu eta ohorea egin. Gero Nutella gehitu eta nahasten jarraitu ohore pikortsu bat geratu arte.

2,5 zentimetroko diametroa duten kanikatxoak egin eta xaflan utzi bata bestearengandik 5 zentimetrotara. Ondoren edalontzi batekin zapaldu (ez gehiegi ezta gutxiegi ere).

Labera sartu 7-8 minutuz handik atera ostean hoztutzen utzi.

Dudarik izanez gero, hemen duzue errezeta originala pausoz-pauso: http://tastykitchen.com/blog/2011/02/nutella-cookies/

ON EGIN ETA DESKANTSATU!

munduko sukaldaritza

Kaixo!!

Nire bloga bidaia eta gastronomiarekin zerikusia duen lekutxoa da. Oraingoan youtuben aurkitu dudan bideo batekin natorkizue. Bertan Juan Mari eta Elena Arzak ospetsuak egungo sukaldaritzari buruzko azalpenak ematen dizkiote Euzkitzeri.

Egia esan, nik ez dut sukaldaritza kontenporaneoa batere ezagutzen, agian arreta berezirik eskaini ez diodalako izango da! Baina aitortu behar dut sukaldaritza moderno honen aitzindariak etxekoak ditugula eta nire blogean beren tartea merezi dutela. Batik bat, ni munduko sukaldaritza hona ekartzen ahalegintzen naizelako eta eurek hemengoa mundura zabaldu dutelako!!!

Ea interesgarria suertatzen zaizuen!

ON EGIN!

Udaberriko kiribilduak, nahiz eta orain udazkenean egon

 

Kaixo!

Gaur eguerdian nire gurasoek bazkaltzera gonbidatu naute. Hau sorpresa menua irakurri dudanean: "rollitos de primavera" jartzen zuen idatzita!

Nire irudimenean bada ere Txinan nengoela amets egin dut!

Kultura ezberdin hori ikusi, sentitu eta gozatzeko gogo bizia dut, ea inoiz iristen naizen! 

 Osagaiak:

• 80 gramo behi haragi xehatu
• 50 gramo porru
• 50 gramo azenario
• 50 gramo soja kimu
• 100 gramo aza
• 50 gramo tipula
• 6 Txinatar orri kiribildu (denda espezializatuetan eros daiteke eta modurik onena izoztua erostea da, denbora gehiago irauten baitute)
• 4 koilarakada soja saltsa
• Sesamo olioaren koilarakada erdia
• Frijitzeko olioa

 Egiteko modua:

Lehendabizi azenarioa, porrua eta azak "Juliana" eran moztu eta ur gazitan zurituko ditugu. Behin zuritu ondoren atera eta ur hotzetan sartu egosten jarrai ez dezten, bihurritu eta ondo ondo lehortu.

 Garrantzitsua da orri kiribilduak betetzean betegarria lehorra egotea, gainerakoan puskatu egin litezke eta!

Ondoren tipula fin fin ebakiko dugu eta haragiarekin batera salteatuko dugu (aurrez gatzatuta noski).

Betegarrirako diren osagai guztiak batuko ditugu (zuriturikoa, haragi eta tipula eta soja kimuak) eta sojazko saltsa eta sesamo olioa ere gehituko dizkiogu.

  

Hartu orriak eta betetzen hasi eta ongi itxi kiribilduen bukaerak.

Azkenik olio ugaritan frijitu, alde bakoitzeko 2 minuturekin nahikoa izango da.

Kalabazin eta gaztazko gainerrea

Kaixo!!!

Gaurkoan gastronomia Frantzesera joko dugu! Frantzia oso hurbil dugun herrialdea da eta bertako sukaldaritza miresgarria! Gainera, munduko hiririk erromantikoena bertan aurkitzen da, Paris.

 
Parisko bistak Gure-Dama katedraletik 

Behar ditugun osagaiak:

• 500 gramo kalabazin.
• Tipula 1.
• 400 Mozzarella gazta.
• 100 gramo ardi gazta.
• Besamel kikarakada bat. 
• Berakatza.
• Kikarakada bat prestatutako arroza.
• Oliba olioa.
• Gatza eta pipermina. 

Egiteko modua:

Labea berotzen jarri 180 gradutan.

Frijitu kalabazina (xaflatan ebakia) tipula eta berakatza aurrez txikitua. 

Olioz igurtzi labera sartzeko ontzi bat eta kalabazin geruzak jartzen joan mozzarela gazta, ardi gazta eta besamelez estaliz. Horrela osagai hauek bukatu arte. Geruzen azken estalkia arrozarekin emango diogu eta ardi gazta apur batekin.

Labera sartu gorritu arte.

Paris nous resterai toujours.

BIDAIATU! 

Tolosako babarrunak

Kaixo!

Gaurkoan, nire herri ingurua eta bertako sukaldaritza gerturatuko dizkizuet (izan ere hotza egiten hasi du eta ohikoa da hori hemen).

Tolosaldea Gipuzkoako ekialdean dagoen eskualdea da, eskualde euskalduna. Nekazaritza, baserri giroa mantentzen duena. Bertako turismoa ezagutu nahi izanez gero kuxkuxeatu hemen: http://www.tolosaldea.net/tour/index.php

Tolosa da eskualdeko herririk handieta eta bertan oso ezagunak dira BABARRUNAK. 

http://www.alubiasdetolosa.com/ webgune honetan Tolosako babarrunak prestatzeko errezetak eta askoz gehiago aurki dezakezue!

Etxe ingurua ezagutu eta sabela betetzeko parada izan dadila honakoa, espero gustuko izango duzuela!

El Sitio del Magüeyal

 

¡VIVA MÉXICO!

Pertsonalki ez dut Mexikora joateko zorterik izan. Hala ere, Gipuzkoatik, hobe esanda Donostiako alde zaharretik mugitu gabe bertako gastroniz goza dezakegu jatetxe liluragarri honetan:

http://www.elsitiodelmagueyal.es/

 Donostiako Fermín Calbetón 45 behean aurkitzen da. Telefono zenbakia 943.424.866 du. Azkenik e-posta berriz restaurante@elsitiodelmagueyal.es da.

Jatetxe honen berezitasunetako bat bertan zerbitzatzen duten janariaren errezetak paretean itsatsita dituztela da:

Janaria maitasun osoz prestatzen dute, eta hori nabari da ahora sartzerakoan! Hemen "nacho"ak ikus ditzakezue, itsura ederra!

BIKOTEAREKIN MOMENTU ERROMANTIKO ETA PIKANTEA PASATZEKO EZIN HOBEA, BIZI MOMENTUA!

El Sitio del Magüeyal: jatetxe, sukalde eta bat-egite musika, elkartzeko leku... Janaria, musika eta mokaduak!

Pizza margherita

Buongiorno!

Izenburua irakurri hutsarekin badakizue zein tokitato sukaldean sartuko garen ezta??

Oso errezeta dibertigarria izan liteke haurrekin egiteko eta familian momentu atsegina pasatzeko!

Lehenengo eta behin pizzaren orea egiten ikasi behar dugu.

Orea egiteko osagaiak:

• 130 gamo irin
• 25 gramo gurin
• Oliba olioa
• Gatza
• Ura

Egiteko modua:

Nahastu 100 gramo irin, gurina, 2 koilarakada olio eta gatz apur bat. Orain azkar hasi oremahaitzen, ore trinko eta malgua geldi dadin behar duen ur kantitatea erabili. 

Hautseztatu ore hau soberan geratu zaigun irinarekin eta film paperarekin bildu ondoren hozkailuan sartu 30 minutuz atseden har dezan.

Denbora iragan ostean, arrabolaren laguntzaz orea landu beharko dugu. Sukaldeko marmola hautseztatu irinez eta ahal dugu ore finena uzten saiatu behar dugu!

Orain, Margarita pizza egiteko behar ditugun osagaiak honakoak dira:

• 2 koilarakada oliba olio
• 8 koilarakada frijitutako tomate
• 225 gramo mozzarella gazta
• 225 gramo parmesano gazta
• Albaka txikitu apur bat
• Lehen egin dugun orea

Egiteko modua:

Labea 260 graduan berotzen jarri.

 Egindako orearen gainean oliba olia zabaldu pintzel baten laguntzaz. Ondoren gauza bera egin tomatea, mozzarella gazta, parmesano gazta eta albakarekin.

Aurrez berotu dugun labean 10 minutuz eduki eta tripa betetzera!!!

Arrivederci Italia, a presto!